Ўзбекистон пойтахтидаги
аквариумшунослик тўғрисида
барча маълумотлар:
энг оммабоб аквариум жонзотларини парвариш қилиш, озуқлантириш, даволаш ва насл олиш ҳақидаги маълумотлар
сув ва аквариум тубидаги тошлар ҳақида :: тошлар қатлами

Аквариум биосистемасида сувнинг тубидаги тошлар қатлами алоҳида аҳамиятга эгадир.
Биринчидан, тошларнинг ранглари ва катталигини тўғри танлай олсангиз аквариумнинг умумий манзараси ҳам балиқлар рангларининг тўқлиги ва жозибадорлиги ҳам яна да ошади.
Иккинчидан, тош қатлами ўсимлиқлар учун асос бўлиб, уларнинг илдизлари шу қатламда ривожланади ва улар шу орқали озуқа оладилар ва ниҳол чиқарадилар.
Учинчидан, айрим балиқ турлари учун бу қатлам ҳаёт кечириш макони бўлиб қолган. Макрогнатус ёки мастоцемблюс каби балиқ турлари вақтнинг кўп қисмини тош қатламга кўмилиб ўтказадилар ва ташқарига фақат тумшуқлари чиқиб туради. Тош қатлами бўлмаган аквариумда улар ўзларини ёмон ҳис этадилар ва нобуд бўлишлари ҳам мумкин.
Тўртинчидан, аквариумда тош қатлами бўлмаса балиқларнинг барча турлари учун ғайритабиий вазият бўлиб, уларнинг ранглари хиралашади, безовталаниб аквариумнинг бир чеккасига кириб олишади ва ўша ерда ҳаракатсиз ҳолда тураверадилар.
Бешинчидан, аксарият балиқ турлари учун тош қатлам насл чиқарётган пайтда уруғ ташлаш учун асос бўлади. Кўп балиқ турлари уруғини тошлар орасига ташлайди ёки тошлар орасидан ин қуриб олишади.
Олтинчидан, тош қатламнинг аквариумни фильтрлашда аҳамияти катта. Бу қатламда вақт ўтиши билан микроорганизмлар колониялари пайдо бўлади ва улар аквариум сувини тозалашда, кимёвий чиқиндиларни зарарсизлантиришда ҳизматлари катта. Бу қатлам аквариумдаги ёпиқ, экологик баланснинг мувозанатини сақлаб турувчи омиллардан бири ҳисобланади.

Аммо айрим вазиятларда тош қатламнинг бўлмагани ҳам яхши бўлади. Бундай вазият, масалан айрим балиқ турларидан (барбуслар, харацинлар) насл олиш пайтида бўлиши мумкин, насл олишда балиқларнинг турига қараб тош қатламдан воз кечгани яҳши бўлади. Касал теккан балиқчаларни даволаганда ҳам уларни алоҳида идишда сақлаш керак ва бу идишнинг тош қатлами бўлмагани яҳши.

Кейинги бўлимларда тош қатламларни қандай танлаш ва тайёрлаш ҳақида, уни қандай тозалаш ҳақида гапириб ўтамиз.

аквариум туб қатлами балиқларга зарур
аквариум туб қатлами балиқларга зарур
русча
қайтиш
сувнинг сирлари
соф ва тоза сув
сувни янгилаш
тошларни танлаш
тошлар қатламини тоза тутиш
Ўзбек тилига таржимаси - Илҳом Нуржонов
Тошкент аквариум сайти © 2008-2014
Яндекс.Метрика