Бизнинг фикримизча, биринчи услубнинг самарадорлиги баландроқ. Аммо қайси услубда тайёрланишидан қатъий назар уни балиқларга оз-оздан бериш керак, 1-2 дақиқа ичида озуқа бутунлай еб тугатилиши шарт. Манкадан тайёрланган озуқани кўп турдаги балиқлар яхши тановул қилишади: бу озуқа билан африка цихлидаларини, лабиринтли балиқларни ва бошқа турдаги балиқларни ҳам боқиб катта қилганмиз.
Қайнатилган тухумдан ҳам яхшигина озуқа тайёрлаш мумкин. Бунинг учун хом тухумни стаканга қуйиб яхшилаб чайиб оламиз ва унга бир неча кўшимча моддаларни киритиш мумкин. Булар турли қўшилмалар бўлиши мумкин, масалан витаминлар ёки дорилар. Биз бир дона тухумга “Ревит” витаминидан бир донасини, ранг бериш учун қуритилган болгар қалампири ёки томатлардан, ўсимликлардан календула, бойчечак, подорожник кабиларнинг қуритилган ва майдаланган баргларидан, бир дона кальций глюконат дорисидан қўшамиз.
Бу кўшимча моддалар озуқанинг қувватини ва самарадорлигини оширади. Шундан кейин озуқани қайнаб турган сувга оз-оздан қуйилади ва аралаштириб турган ҳолда бир дақиқа ичида пиширилади. Озуқа тайёр бўлганидан сўнг сув тўкилиб ташланади ва намлик даражаси баланд бўлган шароитда сақланади. Балиқларга оз-оз миқдорда берилади. Бундай қуймоқни кўпчилик балиқлар яхши иштаҳа билан тановул қиладилар.
Яна кўпчилик балиқ турлари оддий нондан тайёрланган озуқаларни еишади. Оқ ундан тайёрланган ноннинг кичик бўлагидан зувала ясалади ва юқорида айтилганидек қўшимча моддалар киритилиб қорилади. Ундан кейин нон яхшилаб қуритилади ва кофемолка ёрдамида майдаланади. Бу кукунсимон озуқани ёш балиқларни катта қилганда қўшимча озуқа сифатида бериш мумкин.