Хажми 150 литрга тенг ёки шунга яқин аквариум сотиб олган бўлсангиз, турли ҳил балиқларни сақлаш имқониятингиз жуда кенгаяди. Бундай ҳажмдаги аквариумларда табиатнинг айрим иқлимларига мансуб биотопларни яратиш имконияти пайдо бўлади. Масалан, жанубий Америка иклимига мансуб сув ҳавзасини яратишингиз мумкин. Бунинг учун аквариумга майда ва ўртача харацинлар туркумидаги балиқчалар тўпламини танлашингиз мумкин, ёки бўлмаса майда цихлидалардан (тўти-апистограммаларини) ва ҳ.к.з. Ўртача аквариумда жанубий Америка қитъсига мансуб ўртача ва йирик цихлидалардан (турли скалярияларни, мовий акараларни, феруза ранг акаралар, қора чизиқли цихлозома, Меека цихлозомаларини) жойлаштиришингиз ва парвариш қилишингиз мумкин. Маблағингиз имкон берса катта цихлидалардан ажойиб (қизил, мовий ва феруза рангли) дискусларни ҳарид қилишингиз мумкин
Сўнгги пайтларда аквариумчилар орасида Африка қитъасининг катта кўлларида (Танганьика ва Ньяса, ёки Малави кўллари) яшайдиган цихлидалар кенг тарқалган. Тошкент аквариумшунослари туфайли бизнинг юртимизда бу турдаги жуда ноёб балиқларнинг насли кўпайтирилмоқда. Сизда ҳам ўз аквариумингизда Танганьика ва Малави кўлларининг бир бўлагини яратиш имконияти бор. Лекин Африка кўлларининг цихлидалари ўзига хос ҳусусиятларга эга ва шуни ҳисобга олмасангиз бўлмайди:
биринчидан, бу балиқлар жуфт бўлиб эмас, балки бир эркак балиққа 2-3 урғочи балиқ тўғри келади. Ақс ҳолда эркак балиқлар бир бири билан уришиб, улардан биттаси ҳалок бўлиши ҳам мумкин. Табиатда бундай ҳодисалар рўй бермайди, негаки мағлуб бўлган балиқ кочади, аквариум шароитида эса бу муаммони пайдо бўлмаслигига сиз жавобгарсиз.
иккинчидан, бу туркумдаги балиқларнинг ўз тухумини бир неча ҳафта давомида оғзида сақлаб юриши (кўпинча урғочиси, айрим турларда эркак балиқлари) ва тухумдан чиққан наслини парваришлаб қўриқлаб юришини кузатиш жуда ажабтовур ва кизиқарли жараён.
Африка китъасига мансуб цихлидаларининг кўп турлари жуда йирик катталикгача етиб боришлари мумкин. Буларнинг ақсарияти жуда жозибадор рангларга ва тана тузилишлари турли шаклларга эга балиқлардир. Мовий дельфинлар тўдаси (бу балиқларни танасининг шакли номига муносиб), ёки бўлмаса сариқ рангдаги “африкалик” балиқлар – сариқ лабидохромислар аквариумда жуда жозибали кўринишга эга бўладилар.
Африка цихлидалардан бири узун тумшуқли хаплохром танасининг шакли жуда ғаройиб кўринишга эга. Шунга ўхшаш, ажойиб ва қизиқарли турлар жуда кўп. Аммо Африка цихлидарини парвариш этиш учун бир неча қоидани эсда тутишингиз керак:
- аквариумнинг суви ҳафтасига камида бир марта қисман янгиланиши керак.
- сув қаттиқлиги ва ишқорлиги бироз баланд даражада бўлиши керак (бунинг учун сувга мармар тош парчаларини ташлаб кўйишади) бундай сув кўпгина балиқчалар учун ҳатарли.
Бир аквариум ичида турли ҳил Африка цихлидаларини сақлаш ва уларнинг сонини оширишдан ўзингизни тийинг. Африка цихлидалари эгаллаган маконларига ҳеч қандай ўзга балиқларни сиғдирмайдилар. Айрим ҳолларда устун келган эркак балиқ бошқа эркак балиқни (айрим ҳолларда урғочисини ҳам) ўлдириб қўйиши мумкин.
Шунинг учун турли балиқлар сақланадиган аквариумларда беозор балиқ турларини (масалан дельфинларни) сақлаган маъқулроқ.
Ва ниҳоят ўртача ҳажмдаги аквариумларда бирга сақланиши мумкин бўлган балиқ турлари комбинацияларини кўриб чиқамиз.
Биринчи комбинация: 10-15 суматра барбуслари + пельвикахромислар жуфтлиги + таракатум.
Иккинчи комбинация: мовий ранг акаралар жуфтлиги + 5-10 мутант барбуслар + таракатум..
Учинчи комбинация: дискуслар жуфтлиги + 3-4 гурами + сиам хўроз балиғининг (петушки) эркаги ва 2-3 урғочиси + лаққача балиқ.
Тўртинчи комбинация: мовий дельфинлар оиласи (2 эркаги ва 3-4 урғочиси) + 2-3 радужница балиқчалари + лаққача балиқ.
Бешинчи комбинация: 10-20 мовий ранг неонлар + 5-10 қизил тумшуқ тетралар + 5-10 тернеция + 5-10 мутант барбуслар + 3-4 сепкиллик лаққача балиқлар (крапчатый сомик).
